शिवसेनेने मागवले इच्छुकांचे अर्ज

पिंपरी, ता. ८ ः पिंपरी-चिंचवड महापालिकेच्या निवडणुकीसाठी शिवसेनेने इच्छुकांचे अर्ज मागविले आहेत. मंगळवारपासून (ता. ८) ऑनलाइन आणि ऑफलाइन पद्धतीने अर्ज करता येईल. २१ डिसेंबरपर्यंत अर्ज स्वीकारले जातील, अशी माहिती महानगरप्रमुख राजेश वाबळे यांनी दिली. खासदार श्रीरंग बारणे यांच्या मार्गदर्शनाखाली शिवसेनेचे प्रभागनिहाय काम सुरु आहे. शिवसेना ३२ प्रभागांमध्ये उमेदवार देणार आहे. https://www.shivsenapimprichinchwad.com या संकेतस्थळावर ऑनलाइन अर्ज करता येतील. ऑफलाइन अर्ज वाल्हेकरवाडीतील जुना जकात नाका येथील पक्ष कार्यालयात जमा करावेत, असे आवाहन वाबळे यांनी केले.
--------