महापालिका निवडणुकीसाठी अधिकारी नियुक्त

पिंपरी, ता. १६ ः राज्य निवडणूक आयोगाने महापालिका निवडणूक कार्यक्रम जाहीर केला आहे. पिंपरी चिंचवड महापालिकेची निवडणूक १२८ जागांसाठी होत आहे. एकूण प्रभाग ३२ असून, एका प्रभागात चार जागा आहेत. या निवडणुकीसाठी आठ निवडणूक निर्णय अधिकारी आणि २४ सहाय्यक निवडणूक निर्णय अधिकाऱ्यांची नियुक्ती केली असल्याचे निवडणूक अधिकारी तथा महापालिका आयुक्त श्रावण हर्डीकर यांनी सांगितले.
महापालिकेच्या प्रत्येक निवडणूक निर्णय अधिकाऱ्यांसोबत तीन सहाय्यक निवडणूक निर्णय अधिकारी कामकाज पाहणार आहेत. प्रभागनिहाय नियुक्त निवडणूक निर्णय अधिकारी व सहाय्यक निवडणूक निर्णय अधिकारी नियुक्त केले आहेत.

प्रभागनिहाय निवडणूक निर्णय अधिकारी
- प्रभाग १०, १४, १५ व १९ ः निवडणूक निर्णय अधिकारी पल्लवी घाटगे (उपजिल्हाधिकारी, भूसंपादन क्रमांक ४, पुणे); सहाय्यक निवडणूक निर्णय अधिकारी अविनाश डोईफोडे, निवेदिता घार्गे, वैशाली ननावरे. कार्यालय ः स्थानिक संस्था कर कार्यालय, हेडगेवार भवन, प्राधिकरण, निगडी
- प्रभाग १६, १७, १८ व २२ ः निवडणूक निर्णय अधिकारी हनुमंत पाटील (उपजिल्हाधिकारी, प्रादेशिक अधिकारी, महाराष्ट्र औद्योगिक विकास महामंडळ, बारामती); सहाय्यक निवडणूक निर्णय अधिकारी ः रवींद्र कुलकर्णी, राजाराम सरगर, चंद्रकांत मुठाळ. कार्यालय ः ब क्षेत्रीय कार्यालय, लिंक रोड, एल्प्रो मॉलच्या मागे, चिंचवडगाव
- प्रभाग २, ६, ८ व ९ ः निवडणूक निर्णय अधिकारी हिम्मत खराडे (उपजिल्हाधिकारी, पुणे महानगर प्रदेश विकास प्राधिकरण); सहाय्यक निवडणूक निर्णय अधिकारी अजिनाथ गजरे, सुनिलदत्त नरोटे, दशरथ कांबळे. कार्यालय ः क क्षेत्रीय कार्यालय, पॉलिग्रास हॉकी स्टेडियमजवळ, एमआयडीसी, भोसरी
- प्रभाग २५, २६, २८ व २९ ः निवडणूक निर्णय अधिकारी अनिल पवार (उपजिल्हाधिकारी, विभागीय कार्यालय, सारथी); सहाय्यक निवडणूक निर्णय अधिकारी महमंद पाप्पा सय्यद, अश्विनी गायकवाड, सुनील शिंदे. कार्यालय ः ड क्षेत्रीय कार्यालय, औंध-रावेत बीआरटी रोड, रहाटणी
- प्रभाग ३, ४, ५ व ७ ः निवडणूक निर्णय अधिकारी दीप्ती सूर्यवंशी (उपजिल्हाधिकारी, पुणे महानगर प्रदेश विकास प्राधिकरण); सहाय्यक निवडणूक निर्णय अधिकारी प्रवीण ढमाले, तानाजी नरळे, सूर्यकांत मोहिते. कार्यालय ः कबड्डी प्रशिक्षण संकुल, अंकुशराव लांडगे नाट्यगृहामागे, भोसरी
- प्रभाग १, ११, १२ व १३ ः निवडणूक निर्णय अधिकारी नितीन गवळी (उपजिल्हाधिकारी, प्रादेशिक औद्योगिक अधिकारी); सहाय्यक निवडणूक निर्णय अधिकारी मनिषा बोबले, अतुल पाटील, शिवाजी चौरे. कार्यालय ः सेक्टर १७/१९, स्पाइन रोड शेजारी, घरकुल चिखली टाउन हॉल
- प्रभाग २१, २३, २४ व २७ ः निवडणूक निर्णय अधिकारी सुप्रिया डांगे (उपजिल्हाधिकारी, महाराष्ट्र राज्य रस्ते विकास महामंडळ); सहाय्यक निवडणूक निर्णय अधिकारी हरिदास चाटे, विजय सोनवणे, हेमंत देसाई. कार्यालय ः ग क्षेत्रीय कार्यालय, वेंगसरकर अकादमीमागे, थेरगाव
- प्रभाग २०, ३०, ३१ व ३२ ः निवडणूक निर्णय अधिकारी अर्चना पठारे (उपजिल्हाधिकारी, प्रादेशिक औद्योगिक अधिकारी); सहाय्यक निवडणूक निर्णय अधिकारी गौरी तेलंग, सतीश वाघमारे, सोहन निकम. कार्यालय ः कासारवाडी भाजी मंडई (दुमजली हॉल), शास्त्रीनगर, कासारवाडी