वाचक लिहीतात

दशक्रिया घाटावर वाहनतळाची सोय करावी
चिंचवडगावातील धनेश्वर पुलाजवळील दशक्रिया घाटावर दशक्रिया विधी बंद करावी किंवा येथे वाहनतळाची व्यवस्था करण्यात यावी. दशक्रिया विधीसाठी येणाऱ्या नागरिकांची वाहने रस्त्यावरच लावलेली असतात. त्यामुळे या रस्त्यावर सतत वाहतूक कोंडी होते. सकाळी कामावर जाणाऱ्या लोकांना अनेक वेळा त्रास होतो. त्यामुळे दशक्रिया विधी घाट बंद करावा किंवा वाहनतळाची व्यवस्था करावी.
- एक वाचक, चिंचवडगाव

प्लॅस्टिक पिशव्यांवर बंदी करावी
महापालिकेने प्लॅस्टिक पिशव्यांवर बंदी घातली पाहिजे. महापालिका परिसरात आठवडे बाजारात अनेक विक्रेते प्लॅस्टिक पिशव्यांचा वापर करत आहेत. महापालिकेने या बाबत त्वरित लक्ष घालून प्लॅस्टिक पिशव्या नष्ट कराव्यात.
- कालिदास कोकीळ, रावेत‌