अष्टविनायक दर्शनासाठी एसटीची विशेष बस सेवा

पिंपरी, ता. १८ ः राज्य महामार्ग परिवहन महामंडळाकडून (एसटी) अंगारकी चतुर्थीनिमित्त ५ जानेवारी रोजी शिवाजीनगर व पिंपरी-चिंचवड आगारातून अष्टविनायक दर्शनाकरिता विशेष बस सोडण्यात येणार आहेत. अष्टविनायक सेवेसाठी एसटीच्या महिला सन्मान योजनेअंतर्गत अर्धे तिकीट आणि अमृत ज्येष्ठ नागरिक योजनेअंतर्गत ७५ वर्षांवरील ज्येष्ठ नागरिकांना मोफत प्रवास करता येणार आहे.
शिवाजीनगर व पिंपरी आगारातून अष्टविनायक दर्शन बस सोमवारी (ता. ५) सकाळी ७ वाजता सुटणार आहे. या गाडीचे प्रौढ आणि मुलांकरिता तिकीटदर वेगवेगळे असणार असून, प्रौढांसाठी १,१४२ ते १,१६२ रुपये तर मुलांसाठी ५७४ ते ५८४ रुपयांपर्यंत असतील. ओझर (भक्तनिवास) येथे राहण्याची व जेवणाची उत्तम सोय असून, तो खर्च प्रत्येक प्रवाशाने स्वतः करावयाचा आहे. अष्टविनायक दर्शनासाठी ऑनलाइन आरक्षण सुरू झाले असून, महामंडळाचे www.msrtc.gov.in या संकेतस्थळावर आरक्षण करता येणार आहे. जास्तीत जास्त नागरिकांनी या बस सेवेचा लाभ घ्यावा, असे आवाहन विभाग नियंत्रक अरुण सिया यांनी केले आहे.
---