संवाद माझा

तुटक्या झाकणाने अपघाताचा धोका
नवी सांगवीतील अहिल्यादेवी दशक्रिया घाट परिसरातील चेंबरचे झाकण तुटले आहे. तेथून मोठी जड वाहने नेहमी येत जात असतात. अपघात होण्याची शक्यता आहे. महानगरपालिकेने लवकरात लवकर दुरुस्त करावे.
- मनोज पवार, पवारनगर, जुनी सांगवी
PNE25V28849

झाडांच्या फांद्या छाटाव्यात
पिंपळे निलख येथे इंगवले चौक जवळील छत्रपती शिवाजी महाराज पुलावर व पुलाखालून आलेल्या झाडाच्या फांद्या पदपथाबरोबरच रस्त्यावर आल्याने पादचारी व वाहनांना अडथळा ठरत आहेत. तरी महापालिकेच्या ‘ड’ क्षेत्रीय कार्यालयाने संबंधित तक्रारीचे निवारण करावे.
- सनी शिंदे, पिंपळे निलख
PNE25V28841

भटक्या श्वानांचा बंदोबस्त करा
चिंचवड येथे लिंक रोडवर गजानन महाराज मंदिरासमोर भटके श्वान हिंडत असतात. या समस्येकडे कोणीही लक्ष देत नाही. महानगरपालिकेने त्यांचा बंदोबस्त करावा.
- सां. रा. वाठारकर, चिंचवड
NE25V28843

झाडांच्या सुरक्षा जाळ्या काढा
निगडी प्राधिकरण नवीन बीआरटी रोड लगत काही झाडांची पूर्ण वाढ होऊन देखील त्यांच्या सुरक्षा जाळ्या काढलेल्या नाहीत. नवीन पुलाच्या ब्लॉकमध्ये काही ठिकाणी पिंपळाची झाडे उगवली आहेत.
- अविनाश सावंत, प्राधिकरण
E25V28848