वेस्टर्न महाराष्ट्र एमआयडीसी चेंबर ॲड. असोसिएशन फेडरेशनची कार्यकारिणी जाहिर

पिंपरी, ता.७ : वेस्टर्न महाराष्ट्र एमआयडीसी चेंबर अॅण्ड असोसिएशन फेडरेशनची कार्यकारिणी नुकतीच जाहीर झाली. पुणे, पिंपरी, चिंचवड, सातारा, सोलापूर, सांगली-मिरज, अहिल्यानगर, नाशिक, कोल्हापूर, ठाणे-बेलापूर या जिल्ह्यातील उद्योजक कार्यकारिणीमध्ये आहेत.
फेडरेशनच्या अध्यक्षपदी ॲड. आप्पासाहेब शिंदे यांची महिनाभरापूर्वी निवड झाली. आता कार्यकारिणीमध्ये उपाध्यक्षपदी ललित बूब, सचिवपदी धनंजय जामदार, खजिनदार मोतिलाल सांकला, संघटक सचिव राजू राठी, संघटक आशिष नहार, संजोग मोहिते, कार्यकारिणी सदस्य सतीश मालू, प्रेमचंद मित्तल, राजू पाटील, राजेंद्र कांडेकर, नीलय वानखडे हे सहभागी आहेत.
उद्योगांचे होणारे स्थलांतर थांबवणे, महापालिकेच्या अटींवर तोडगा काढणे, लघु उद्योगांचे प्रश्न सोडवणे, उद्योगवाढीला प्रोत्साहन देणे, आदी विषयांवर संघटना काम करेल, अशी माहिती अध्यक्ष ॲड. शिंदे यांनी सांगितली.