शिबिरात ५८ जणांचे रक्तदान

पिंपरी, ता.६ ः राज प्रोसेस इक्विपमेंट्स ॲण्ड सिस्टम्स प्रायव्हेट लिमिटेडमार्फत महारक्तदान शिबिर घेण्यात आले. या शिबीरात ५८ जणांनी रक्तदान केले. पिंपरी चिंचवड महानगरपालिकेच्या यशवंतराव चव्हाण रुग्णालय रक्तपेढीचे सहकार्य लाभले. यावेळी कंपनीचे कार्यकारी संचालक अनिलराज वसंत पिसे, वरिष्ठ मनुष्यबळ व्यवस्थापक ज्ञानेश्वर पठारे यांनी नियोजन केले. रक्त संकलन अधिकारी डॉ. गणेश लांडे यांनी रक्तातील आवश्यक गुणवत्ता व लागणारे बदल याविषयी सविस्तर मार्गदर्शन केले. कंपनीचे कंपनीचे कार्यकारी संचालक अनिलराज पिसे यांनी सर्वांचे मनापासून आभार मानले.