जाधववाडीत आठ दुचाकी पेटविल्या

पिंपरी, ता. ६ : एकाने जुन्या भांडणाच्या कारणावरून आठ दुचाकी जाळल्‍या. ही घटना चिखलीतील जाधववाडी येथील साहिल पूरम हाउसिंग सोसायटीच्‍या वाहनतळामध्‍ये घडली. गणेश निवृत्ती मराठे (वय ५३, रा. साहिल पूरम हाउसिंग सोसायटी, प्लॉट नं.११४, राजे शिवाजीनगर, जाधववाडी, चिखली) याला पोलिसांनी अटक केली आहे. या प्रकरणी बाळासाहेब प्रमोद खरात (रा. साहिल पूरम हाउसिंग सोसायटी, राजे शिवाजीनगर, जाधववाडी, चिखली) यांनी चिखली पोलिस ठाण्‍यात फिर्याद दिली आहे. आरोपीने जुन्या भांडणाच्या कारणावरून फिर्यादीच्या दुचाकीच्या पेट्रोल टाकीची नळी काढून माचीसच्या साहाय्याने आग लावली. तसेच सोसायटीत उभ्या इतर सात दुचाकी व एका इलेक्ट्रिक दुचाकीला आग लावली.