संवाद माझा

वृक्षारोपणाचे खड्डे चुकीचे
पिंपळे निलख येथे वृक्षारोपणासाठी पदपथावर खड्डे घेण्यात आले आहेत. एके ठिकाणी खड्डा चक्क पथदिव्यांच्या खांबा शेजारीच घेण्यात आला आहे. पदपथाखालून जाणाऱ्या पावसाळी वाहिनीच्या स्लॅबवर एक ते दीड फूट खड्डा घेऊन त्यावर झाडे लावण्यात आली आहे, हे योग्य आहे का ? विकास केला जावा यात दुमत नाही. पण, त्यात नियोजनाचा अभाव असेल; तर तो विकास काय कामाचा ?
- सनी शिंदे, पिंपळे निलख
PNE25V29303

गेल्या एक ते दीड महिन्यांपासून गंगानगर - चिंचवड स्टेशन रस्त्यावर महानगरपालिका आकुर्डी मैलाशुद्धीकरण केंद्र, बिना स्कूलजवळ हे पाईप पडून आहेत. शाळाजवळ असल्याने मुलांचा अपघात देखील होऊ शकतो. तरी ते लवकरात लवकर तेथून हलवावेत.
- सिराज बशीर शेख, चिंचवड
PNE25V29300

चिंचवडगावातील रस्ता खिळखिळा
चिंचवड गावातील गणपती मंदिरासमोरील रस्ता बऱ्याच ठिकाणी अक्षरशः खिळखिळा झाला आहे. सिमेंट, वाळू भराव वाहून गेल्याने दगडी गट्टू अस्ताव्यस्त झाले आहेत. वाहन चालवताना धक्के बसतात. हा रस्ता सिमेंटचा करवा अशी नागरिकांची मागणी आहे.
- रमेश पाटील, चिंचवड
NE25V29302

सायकल मार्गिकेवर पार्किंग
पिंपरी चिंचवड स्मार्ट सिटी बनवण्यासाठी महानगरपालिकेने पदपथ, सायकल मार्गिका बनविल्या आहेत. पण नागरिक त्या मार्गिकांवर दुचाकी, चारचाकी वाहने उभी करून ठेवत आहेत. कित्येक दिवसांपासून ती वाहने तशीच आहेत. थेरगावमधील पवारनगर बिर्ला हॉस्पिटल रस्त्यावरील हे चित्र दिसत आहे.
- अनिल बिनायकिया, चिंचवड
PNE25V29304