यशस्वी ॲथलिटसचा गौरव

पिंपरी, ता. ७ ः जर्मनीमधील हॅम्बर्ग आयर्नमॅन आणि दक्षिण अफ्रिकेतील कॉम्रेड्स अल्ट्रा मॅरेथॉनमधील यशस्वी ॲथलिटसचा नुकताच गौरव करण्यात आला.
निगडीच्या ज्ञानप्रबोधिनी नवनगर विद्यालयाचे केंद्र प्रमुख मनोज देवळेकर, क्रीडा शिक्षक शैलेश डुंबरे यांच्यासह क्लबचे सर्व सदस्य यावेळी उपस्थित होते.
याप्रसंगी देवळेकर म्हणाले, ‘‘ऑलिंपिकची तीन मूल्ये म्हणजे उत्कृष्टता, आदर आणि मैत्री होय. एक चांगले जग निर्माण करण्याच्या उद्देशाने खेळ, संस्कृती आणि शिक्षणाला प्रोत्साहन देण्याची आवश्यकता आहे.’’
क्लबचे प्रमुख प्रशिक्षक वैभव ठोंबरे यांनी सर्वांचे स्वागत केले. विजेत्यांचे कौतुक करत त्यांच्या जिद्द व चिकाटीचे वर्णन केले. सर्व यशस्वी ॲथलिटसनी प्रेरणादायी अनुभवांची मांडणी करत उपस्थितांची मने जिंकली.
PNE25V29346