विसर्ग सुरू; पवना, मुळा नद्यांच्या पातळीत वाढ

पिंपरी, ता. ७ : पिंपरी-चिंचवड शहर परिसर तसेच धरण क्षेत्रांत संततधार पाऊस सुरू आहे. त्यामुळे पवना व मुळशी धरणात पाण्याची आवक वाढली आहे. या धरणांतून विसर्ग सुरू करण्यात आला आहे. त्यामुळे शहरातील पवना आणि मुळा या दोन्ही नद्यांच्या पातळीत वाढ होत आहे. या पार्श्वभूमीवर आपत्कालीन यंत्रणेला दक्ष राहण्याचे निर्देश महापालिका आयुक्त तथा प्रशासक शेखर सिंह यांनी दिले आहेत. तसेच, नदीकाठी राहणाऱ्या नागरिकांनी सतर्क राहावे, असे आवाहन देखील आयुक्तांनी केले आहे.
सोमवारी (ता. ७) सकाळी दहा वाजल्यापासून पवना धरणातून नदीपात्रात २,८०० क्युसेक विसर्ग सुरू आहे. दुपारी २ वाजल्यापासून मुळशी धरणातून मुळा नदी पात्रात ८ हजार २०० क्युसेक विसर्ग सुरू आहे. हवामानशास्त्र विभागाने पुढील काही तास धरण क्षेत्र आणि घाटमाथ्यावर पाऊस होण्याचा इशारा दिला आहे. त्यामुळे विसर्गात वाढ होण्याची शक्यता आहे. त्यामुळे पवना आणि मुळा नदीकाठच्या सखल भागातील नागरिकांनी सतर्क राहावे. नदीपात्राजवळ कोणीही जाऊ नये, असेही आवाहन करण्यात आले आहे.

महापालिकेची यंत्रणा सज्ज
आपत्कालीन परिस्थितीला तत्काळ प्रतिसाद देण्यासाठी पिंपरी चिंचवड महापालिकेची यंत्रणा सज्ज ठेवण्यात आली आहे. मदत व बचाव पथकेही आवश्यक उपकरणासह सज्ज ठेवण्यात आली आहेत. आपत्तीमुळे उद्भवू शकणाऱ्या परिस्थितीत नागरिकांना तत्काळ मदत मिळण्यासाठी आपत्ती नियंत्रण कक्ष सज्ज ठेवण्यात आला आहे. तसेच महापालिकेच्या क्षेत्रीय कार्यालय स्तरावर उपायुक्त व सहायक आयुक्त पदावरील अधिकाऱ्यांची नोडल अधिकारी म्हणून नियुक्ती करण्यात आली आहे.

आग्निशामक विभागाचे दूरध्वनी क्रमांक
पिंपरी मुख्य केंद्र - ९९२२५०१४७५
भोसरी - ९९२२५०१४७६
प्राधिकरण - ९९२२५०१४७७
चिखली- ८६६९६९४१०१
थेरगाव - ७०३०९०७९९९
रहाटणी - ९९२२५०१४७८
मोशी - ७२६४९४३३३३
तळवडे - ९५५२५२३१०१

पूर नियंत्रण कक्षाचे दूरध्वनी क्रमांक

- मध्यवर्ती पूरनियंत्रण कक्ष – ०२० २८३३११११ / ६७३३११११
- अ क्षेत्रीय कार्यालय - ०२० ६८३३४०५०
- ब क्षेत्रीय कार्यालय - ०२० ६८३३४३००
- क क्षेत्रीय कार्यालय - ०२० ६८३३४५००
- ड क्षेत्रीय कार्यालय - ०२० ६८३३४७००
- इ क्षेत्रीय कार्यालय - ०२० ६८३३५०००
- फ क्षेत्रीय कार्यालय - ०२० ६८३३५३००
- ग क्षेत्रीय कार्यालय - ०२० ६८३३५५००
- ह क्षेत्रीय कार्यालय - ०२० ६८३३५७००

-----