नगर रचना उपसंचालक गायकवाड यांची बदली

पिंपरी, ता. ७ : पिंपरी-चिंचवड महापालिकेच्या नगर रचना विभागाचे उपसंचालक प्रसाद गायकवाड यांची बदली झाली आहे. याबाबतचा आदेश राज्याचे सह सचिव सुबराव शिंदे यांनी आज सोमवारी (ता. ७) दिला.
गायकवाड यांना छत्रपती संभाजीनगर वाहतूक व परिवहन विभागाच्या नगर रचना विभागात उपसंचालक पदाचा पदभार स्वीकारण्याचे आदेश देण्यात आले आहेत. बदलीच्या ठिकाणी तातडीने रुजू होऊन त्याबाबतचा अहवाल संचालक, नगर रचना पुणे यांना तत्काळ कळवावा, असे ही आदेश देण्यात आले आहेत.