मेडिकव्हर हॉस्पिटलच्या वतीने ‘ट्रॉमाकॉन २०२५’ यशस्वी

पिंपरी, ता. ८ ः आपत्कालीन परिस्थितीत वैद्यकीय सेवा अधिक जलद रीतीने पुरविण्यासाठी मेडिकव्हर हॉस्पिटलच्या वतीने डॉक्टरांसाठी ट्रॉमाकॉन-२०२५ या कार्यक्रमाचे आयोजन करण्यात आले होते. हे वैद्यकीय प्रशिक्षण चिंचवड येथील ग्रॅंड एक्झॉटिका येथे झाले. या कार्यक्रमात अपघात, आपत्कालीन वैद्यकीय सेवा, अस्थिरोग, मज्जातंतूशास्त्र या क्षेत्रातील वैद्यकीय तज्ज्ञांनी आपल्या कारकिर्दीतील अनुभव सांगत मार्गदर्शन केले.
‘आपत्कालीन स्थितीमध्ये प्रत्येक सेकंद हा अमूल्य असतो. ट्रॉमाकॉन २०२५ हा केवळ क उपक्रम नाही, तर रुग्णांचे प्राण वाचवण्याचा संकल्प आहे.’ असे आपत्कालीन विभागाचे प्रमुख डॉ. व्यास मौर्य यांनी सांगितले. या कार्यक्रमात गंभीर ट्रॉमा रुग्णांचे निदान, आपत्कालीन परिस्थितीत काय करावे आणि काय टाळावे, बालरुग्णांमधील ट्रॉमा, न्यूरो इमर्जन्सी व कॉम्पाउंड फ्रॅक्चरचे व्यवस्थापन यासारख्या महत्त्वाच्या विषयांवर सत्रे घेण्यात आली. या सत्रांमध्ये डॉ. उत्सव पटेल, डॉ. प्रशांत बांकार, डॉ. श्रीरंग कुलकर्णी, डॉ. निनाद पाटील व डॉ. राहुल गागरे यांनी केले. ट्रॉमाकॉन २०२५ हा मेडिकव्हर हॉस्पिटलच्या सातत्यपूर्ण वैद्यकीय शिक्षण, समाज आरोग्य आणि प्रगत या बांधिलकीचा भाग असून, महाराष्ट्रात आपत्कालीन परिस्थितीसाठी आवश्‍यक प्रणाली उभारण्याच्या दिशेने एक महत्त्वाचे पाऊल आहे.