ताल-निनाद संगीत विद्यालयातील विद्यार्थ्यांचा प्रमाणपत्र वितरण

पिंपरी, ता. ९ ः अखिल भारतीय गांधर्व महाविद्यालयाच्या एप्रिल-मे सत्रातून उत्तीर्ण झालेल्या ताल-निनाद संगीत विद्यालयातील विद्यार्थ्यांचा प्रमाणपत्र वितरणाचा कार्यक्रम नुकताच झाला. तबला विषयात विशारद पदवी संपादन केलेल्या आदित्य बालवडे व ऋचिर शिंदे यांना सन्मानचिन्ह व प्रमाणपत्र देऊन सन्मानित करण्यात आले. विशारद उपांत्य परीक्षेत आराध्य ढोबळे, कार्तिकी सावंत, अभिराम कुलकर्णी, यशवंत कराड यांनी देखील यश संपादन केले.
ताल-निनाद संगीत विद्यालयाचे संचालक सचिन शिंगाडे व तात्यासाहेब शिंदे यांच्या हस्ते सर्वांना प्रमाणपत्र वितरण करण्यात आले. मध्यमा-पूर्ण हार्मोनिअम परीक्षेत गौरवी माऊका व अर्चिता शिंगाडे यांनी यश मिळवले. मध्यमा-प्रथम तबला परीक्षेत विहान अहिरराव, कैवल्य मानकर व प्रवेशिका-पूर्ण तबला परीक्षेत श्लोक कावडे, शर्व चाफळकर, यश कुंभार, चिरायू पाटील यांच्यासह त्रिष्णा लष्करे, शौर्य शिंदे, सिधेय शिंदे, अवनीश आवटे, सार्थक जाधव काव्यांजली जाधव, यशदा भसे, शरण्या पटाडे, समर्थ शिंदे, पृथ्वीराज राजपूत, रचित जोशी, स्वरा निकम, चैतन्या राजपूत आदी विद्यार्थ्यांना प्रमाणपत्र देऊन गौरविण्यात आले. कार्यक्रमाचे नियोजन सुशील शिंदे, मंगेश शिंदे, गजानन पाटील व अमित मोगल यांनी केले. मनिषा शिंगाडे यांनी आभार मानले.