ज्येष्ठ नागरिक संघातर्फे आषाढीनिमित्त दिंडी

पिंपरी, ता. ११ : आषाढी एकादशीनिमित्त पालखी व दिंडीचा कार्यक्रम विरंगुळा केंद्रात आयोजित करण्यात आला. पालखीची सजावट व फुलमाळा महिला सदस्यांनी केल्या. यावेळी विठ्ठल-रुखमाई, संत ज्ञानेश्वर महाराज, संत तुकाराम महाराज यांच्या प्रतिमेची पूजा करण्यात आली.यावेळी भजने, अभंग व गवळणी माउली सूर्यवंशी व देवराम कोठारे यांच्यासह महिलांनी सादर केले. आरतीनंतर सर्वांना फराळाचे पदार्थ देण्यात आले. नागरिकांनी आपापल्या नातवंडांना विठ्ठल-रुक्मिणीच्या वेषभूषेत सहभागी केले. पालखी सोहळ्यासाठी बगदाराम चौधरी यांनी मदत केली. या वेळेस संघाचे कार्याध्यक्ष जयवंत भोसले, सुरेशसिंह तोमर, दिलीप कांबळे उपस्थित होते. कार्यक्रमाचे संयोजन संघाचे अध्यक्ष प्रकाश निसळ, उपाध्यक्ष अशोक भंगाळे, सहकोषाध्यक्ष वाल्मीक शर्मा, कार्यकारिणी सदस्य अनुराधा चैतन्य, शालिनी थोरवे, आशा पाटील यांनी केले.