विचार प्रबोधन पर्वाच्या तयारीस सुरुवात

पिंपरी, ता. १२ ः पिंपरी-चिंचवड महापालिकेच्या वतीने दरवर्षी साहित्यरत्न, लोकशाहीर अण्णा भाऊ साठे यांच्या जीवनकार्यावर आधारित पाच दिवसीय विचार प्रबोधन पर्वाचे आयोजन करण्यात येते. यंदाही लोकशाहीर अण्णा भाऊ साठे यांच्या कार्याचा प्रचार व प्रसार करण्यासाठी प्रबोधनात्मक कार्यक्रम आयोजित करण्यात येणार आहे.
या पार्श्‍वभूमीवर ‘फ’ क्षेत्रीय अधिकारी अतुल पाटील यांनी कार्यक्रमस्थळाची पाहणी केली. यावेळी मेट्रो व्यवस्थापनेचे व्यवस्थापक धनंजय कृष्णन, येतेंद्र कुलकर्णी, युवराज गावंडे, कार्यकारी अभियंता विजय वाईकर, साहित्यरत्न लोकशाहीर अण्णा भाऊ साठे जयंती उत्सव समितीचे अध्यक्ष बाळासाहेब रसाळ, नितीन घोलप, संजय ससाणे, नाना कसबे, अरुण जोगदंड तसेच संबंधित अधिकारी उपस्थित होते.
या विचार प्रबोधन पर्वाच्या पार्श्‍वभूमीवर सोमवारी (ता. १४) दुपारी तीन वाजता महापालिकेच्या दिवंगत महापौर मधुकर पवळे सभागृहत अतिरिक्त आयुक्त तृप्ती सांडभोर यांच्या अध्यक्षतेखाली महापालिका अधिकारी, पोलिस व मेट्रो प्रशासन, पीएमपीएमएल अधिकारी आणि लोकशाहीर अण्णा भाऊ साठे जयंती उत्सव समितीचे पदाधिकारी व शहरातील विविध सामाजिक संघटना यांची आढावा बैठक आयोजित करण्यात आली असून शहरातील सामाजिक संघटनांच्या प्रतिनिधींनी बैठकीस उपस्थित राहावे, असे आवाहन महापालिकेच्या वतीने करण्यात आले आहे.
---