गोपीचंद पडळकर यांची आमदारकी रद्द करा ख्रिश्चन समाजाचे पिंपरीत आंदोलन

पिंपरी, ता. १२ : आमदार गोपीचंद पडळकर यांनी ख्रिश्चन धर्मगुरूंना जीवे मारण्याची धमकी दिल्याच्या निषेधार्थ पिंपरीतील डॉ. बाबासाहेब आंबेडकर स्मारक चौकात सकल ख्रिश्चन समाजातर्फे आक्रोश आंदोलन करण्यात आले. आमदार पडळकर यांना आमदारकीवरून बडतर्फ करावे. त्यांच्यावर तातडीने गुन्हा दाखल करावा, अशी मागणी आंदोलकांनी केली. मोर्चाला ख्रिश्चन समाजातील नागरिकांनी मोठ्या संख्येने उपस्थिती लावली. राजन नायर, डॉ. सोलोमन भंडारी, राजेंद्र कदम, पास्टर विल्सन पाटोळे, डेव्हिड काळे आदींनी आंदोलनाचे नेतृत्व केले. ख्रिश्चन समाजाच्या आस्थेवर झालेल्या या हल्ल्याचा तीव्र शब्दांत निषेध व्यक्त करण्यात आला. या मोर्चात ख्रिश्चन समाजातील नागरिक उपस्थित होते.
फोटो ः 30966