निगडीत प्राणघातक हल्ला

पिंपरी, ता. १४ : एका व्यक्तीवर कोयत्याने प्राणघातक हल्ला करून टोळक्‍याने परिसरातील वाहनांची तोडफोड करत दहशत माजवली. या प्रकरणी पोलिसांनी तीन जणांना अटक केली आहे. ही घटना निगडी येथे घडली.
युवराज अडागळे, साहिल गुलाब शेख (वय २२, रा. पीएमसी कॉलनी, निगडी), चिराग ऊर्फ लल्ला चंडालिया, शंतनू सुनील म्हसुगडे (वय २४, रा. किवळे गावठाण) व अविनाश भाऊ आव्हाड (वय २६, रा. कोतवालनगर, किवळे) अशी गुन्‍हा दाखल झालेल्‍या आरोपींची नावे आहेत. पोलिसांनी साहिल, शंतनू आणि अविनाश यांना अटक केली आहे. या प्रकरणी एका २३ वर्षीय महिलेने निगडी पोलिस ठाण्‍यात फिर्याद दिली आहे. आरोपी युवराज याचे फिर्यादी यांचे पती आणि सोहेल जाधव यांच्‍यासोबत पूर्ववैमनस्य आहे. त्यामधून त्याने फिर्यादी यांचे वडील विजय ढोणे यांच्‍यावर कोयत्याने वार केला.