दोन मंदिरांत चोऱ्या

पिंपरी, ता. १५ : चऱ्होलीजवळील वडमुखवाडी व हिंजवडी येथील मंदिरात चोरी झाल्याच्या दोन वेगवेगळ्या घटना घडल्या. वडमुखवाडी येथील साई मंदिरातील दान पेटीतील रक्कम चोरीला गेली. या प्रकरणात दिघी पोलिसांनी अल्पवयीन मुलांना ताब्यात घेऊन योग्य ती कार्यवाही केल्याची माहिती पोलिस निरीक्षक विनायक पाटील यांनी दिली.
तसेच हिंजवडीतही हनुमान मंदिरात चोरी झाल्याची घटना घडली. या प्रकरणी तक्रार प्राप्त झाली असून त्यानुसार पुढील कारवाई केली जाईल, अशी माहिती वरिष्ठ पोलिस निरीक्षक बालाजी पांढरे यांनी दिली. या दोन्ही घटना सीसीटीव्ही कॅमेऱ्यात कैद झाल्या आहेत.