नक्षत्रांचं देणं काव्यमंचातर्फे राज्यस्तरीय काव्यस्पर्धा

पिंपरी, ता. १७ ः ‘नक्षत्राचं देणं काव्यमंच’च्या वतीने दरवर्षी प्रमाणेच याही वर्षी राज्यस्तरीय श्रावणी काव्य लेखन स्पर्धेचे आयोजन केले आहे. या काव्यस्पर्धेसाठी ‘श्रावण व निसर्ग’ या विषयांवर कवींनी दोन कविता पाठविणे आवश्‍यक असून, कविता पाठविण्याची अंतिम तारीख २५ ऑगस्ट आहे. स्पर्धेचे हे २६ वे वर्ष आहे. ही स्पर्धा निःशुल्क ही असून, या स्पर्धेतून निवडलेल्या विजेत्यांना रोख रक्कम व स्मृतिचिन्ह, सन्मानपत्र, शाल, गुलाब पुष्प, श्रीफळ देऊन समारंभपूर्वक सन्मानित करण्यात येणार आहे. सहभागींना सन्मानपत्र देण्यात येणार आहे. तसेच सहभागी कवींची श्रावणी काव्य मैफल संपन्न होणार असल्याची माहिती संस्थेचे राष्ट्रीय अध्यक्ष राजेंद्र सोनावणे यांनी दिली. कवींनी पूर्ण पत्ता, मोबाईल व पिन कोडसह कविता खालील पत्त्यावर पाठविण्याचे आवाहन त्यांनी केले आहे. पत्ता ः नक्षत्राचं देणं काव्यमंच, साई सदन, ए/३, महालक्ष्मी हाइट्स, पीसीएमटी चौक, भोसरी पुणे-४११०३९.