भटक्या श्वानांचा उपद्रव, नागरिकांत भीती

पुणे, ता. २० : ‘‘पिंपरी चिंचवड महानगरपालिकेच्या हद्दीत भटक्या श्वानांची संख्या वाढत आहे. त्यामुळे भीतीचे वातावरण निर्माण झाले आहे. रात्री-अपरात्री भुंकणे, अचानक हल्ले करणे अशा घटना वाढल्या आहेत. वेळेत उपाय न केल्यास ही समस्या आणखी गंभीर रूप धारण करू शकते,’’ अशी तक्रार आम आदमी पार्टी शहराध्यक्ष रविराज काळे यांनी केली आहे. यावेळी यल्लाप्पा वालदूर, चंद्रमणी जावळे, कुणाल वक्ते, स्वप्नील जेवले, अजय सिंग, आदी उपस्थित होते
कुत्र्यांचे निर्बिजीकरण, लसीकरण आणि पुनर्वसन याबाबत महापालिकेच्या हलगर्जीपणामुळे श्वान पुन्हा रस्त्यावर येतात, असा आरोप काळे यांनी केला. यावेळी भटक्या श्वानांची नोंदणी करणे, लसीकरण आणि निर्बिजीकरण मोहीम आखणे, श्वानघरांच्या व्यवस्थापनात पारदर्शकता आणि उत्तरदायित्व करणे, नागरिकांच्या आरोग्य व सुरक्षिततेसाठी आवश्यक उपाययोजना आखणे आदी मागण्या करण्यात आल्या.