जिजामाता रूग्णालय समस्या

जिजामाता रुग्णालय पिंपरी

रुग्णांसाठी अपुरी बैठक व्यवस्था;
केसपेपर काढण्यासाठी रांगा

पिंपरी : जिजामाता रुग्णालयात दररोज ५०० ते ७०० बाह्यरुग्ण उपचारासाठी येतात. पण, विविध वैद्यकीय सुविधांची कमतरता पाहण्यास मिळत आहे. त्यामुळे रुग्णांची हेळसांड होत आहे. रुग्णालयात बसण्यासाठी अपुरी व्यवस्था आहे. एकाच मजल्यावर सर्व ओपीडी असल्यामुळे रुग्णांच्या रांगा असतात. केस पेपर काढण्‍यासाठी मोठी रांग होती. डॉक्टरांनी लिहून दिलेली सर्वच औषधे मिळत नाहीत. केस पेपर काढण्यापासून औषधे घेण्‍यासाठी मोठी रांग दिसून आली.

जिजामाता रुग्णालयात आवश्यक असलेल्या सुविधांचा अभाव आहे. सोनोग्राफीसाठी जुनी मशीन आहे. ॲनामली स्कॅनची सुविधा नाही. रुग्णालयात पुरेसे डॉक्टर आणि कर्मचारी नाहीत.
- माया जाधव, रुग्ण

रुग्णालय पहाणी प्रश्न
१) रुग्णालयात स्वच्छता : आहे
२) बाह्यरुग्ण विभागात डॉक्टर : होते
३) रुग्णांची व्यवस्थित तपासणी ; होते
४) औषधे : दिली जातात
५) सुरक्षा व्यवस्था : आहे