थेरगाव रुग्णालयातील व्यवस्था

नवीन थेरगाव रुग्णालय

वेळेत तपासणी, औषधोपचार;
सर्वत्र शिस्तबद्ध कामकाज
पिंपरी : महापालिकेच्या थेरगाव रुग्णालयात उपचार घेण्यासाठी आलेल्या रुग्णांमध्ये शहरालगतच्या दारुंब्रे, किवळे, मामुर्डी, सोमाटणे, मारुंजी गावांसह शहरातील रुग्ण होते. केसपेपर घेण्याची वेळ सकाळी नऊ ते बारा असल्याने सकाळी दहा वाजता प्रवेशद्वार दोन व तीन समोर रुग्णांची लांबपर्यंत रांग होती. बाह्यरुग्ण विभागात डॉक्टर्स व नर्स होते. प्रसूतीपूर्व तपासणी विभागात तपासणी सुरू होती. सीएमओ विभागात केसपेपर देऊन नंबर लावून बसलेल्या रुग्णांच्या अगोदर काहीजण विभागात प्रवेश करत होते. प्रसूती विभागात वेळेत तपासणी, औषधोपचार केले जातात, असे नातेवाईकांनी सांगितले. पायाचे हाड मोडल्यामुळे महिला रुग्णाला व्हीलचेअरवर बसवून नातेवाईक प्लास्टर काढण्यासाठी घेऊन जात होते. औषध वितरण विभागासमोर गर्दी नव्हती. सामान्य औषधशास्त्र, सामान्य शस्त्रक्रिया, बालरोग, कान-नाक-घसा या विभागात रुग्णांना उपचार केले जात होते. आयसीयू, डायलिसिस, प्रयोगशाळा येथे शिस्तद्ध कामकाज सुरू होते.

आईचे दोन्ही पाय फ्रॅक्चर झालेत. एका पायाचे प्लास्टर काढून दुसऱ्या पायाला ड्रेसिंग करायची आहे. बराचवेळ बाजूला थांबलोय. गर्दी असल्याने व्हीलचेअर घेऊन जाण्यास अडथळे येतात.
- गौतम भालेराव, रुग्णाचे नातेवाईक

१) रुग्णालयात स्वच्छता : आहे
२) बाह्यरुग्ण विभागात डॉक्टर : होते
३) रुग्णाची व्यवस्थित तपासणी : होते
४) औषधे दिला जातात का ? : होय
५) सुरक्षा व्यवस्था : होती