स्‍व. इंदिरा गांधी प्रसूतीगृह, सांगवी

उपचाराबाबत समाधान;
अधिक गर्दीमुळे विलंब

पिंपरी : जुनी सांगवीतील स्‍व. इंदिरा गांधी प्रसूतीगृह येथे रुग्णांसाठी आवश्यक सुविधा पुरविल्या जात असल्याचे दिसले. रुग्णालय परिसर स्वच्छ व नीटनेटका दिसून आला. पुरुष व महिलांसाठी स्‍वतंत्र बाह्यरुग्ण विभाग होता. डॉक्टर उपलब्ध होते. रुग्णांची तपासणीही नियमानुसार होत होती. तपासणी प्रक्रियेत कोणतीही घाई-गडबड न करता रुग्णांची व्यवस्थित चौकशी केली जात होती. रुग्णांना गरजेनुसार औषधे विनामूल्य दिली जात होते. सुरक्षेचीही चांगली व्यवस्था असून प्रवेशद्वारावर सुरक्षा रक्षक तैनात होते. आयुष्मान भारत कार्डधारक लाभार्थींसाठी स्‍वतंत्र व्‍यवस्‍था आढळली. पण, काही वेळा येथे गर्दी असते असे रुग्णांनी सांगितले. त्यामुळे मनुष्यबळाची गरज व्यक्त केली जात आहे.

सांगवीतील रुग्णालयात व्‍यवस्‍थित उपचार दिले जात आहेत. मात्र, गर्दी अधिक असल्‍यामुळे उपचार घेण्यास विलंब होत आहे. बाकी औषधे देखील वेळेवर दिली जातात.
- शालिनी जाधव, रुग्णाचे नातेवाईक

१) रुग्णालयात स्वच्छता : आहे.
२) बाह्यरुग्ण विभागात डॉक्टर : होते.
३) रुग्णांची व्यवस्थित तपासणी - होते.
४) औषधे : दिली जातात.
५) सुरक्षा व्यवस्था : आहे.