यमुनानगर रुग्णालय

यमुनानगर रुग्णालय निगडी

शिस्तबद्ध तपासणीसह
औषधपुरवठा अन् साफसफाई

पिंपरी : यमुनानगर रुग्णालयात बाह्यरुग्ण विभागाच्या ठिकाणी जनरल, बालरोग, इंजेक्शन व ईसीजी, स्त्रीरोग, गरोदर माता तपासणी, लसीकरण, प्रयोगशाळा, नवीन व जुने केसपेपर वाटप स्वतंत्र खिडकी, औषध वाटप खिडकी असे विभाग आहेत. प्रवेशद्वारावर सेवकाकडून केसपेपरनुसार नाव पुकारून रुग्णाला आत सोडले जात होते. पुढे कोणाला भेटायचे, हे रुग्णाला
सविस्तर सांगत होते. दर्शनी भागावर सूचनाफलक आहेत. गरोदर मातांची तपासणी व लसीकरणासाठी स्वतंत्र कक्ष व हिरकणी कक्षही आहे. विस्तृत पार्किंग व रुग्णांना बसण्यासाठी बाकड्यांची व्यवस्था आहे. प्रत्येक खिडकीलगत सूचना व वेळा लिहिलेले फलक आहेत. केसपेपर व औषध वाटपासाठी गर्भवती, दिव्यांग आणि ज्येष्ठ नागरिकांसाठी स्वतंत्र केसपेपर कक्ष असून पायऱ्यांसह रॅम्पही उपलब्ध आहे.

सकाळी पत्नीला घेऊन येथे आलो. गरोदरपणाची तपासणी केली आहे. औषधे घेण्यासाठी थांबलो आहे. सर्व प्रक्रिया व्यवस्थित पार पडत असून चांगली सेवा मिळत आहे.
- अक्षय शिंदे, निगडी.
----
होय/नाही
१) रुग्णालयात स्वच्छता -आहे
२) बाह्यरुग्ण विभागात डॉक्टर - होते
३) रुग्णाची व्यवस्थित तपासणी - होते
४) औषधे दिला जातात का? - होय