महात्मा फुले महाविद्यालयात व्यसनमुक्तीवर व्याख्यान

पिंपरी, ता. २१ : रयत शिक्षण संस्थेच्या महात्मा फुले महाविद्यालयात नार्को कोऑर्डिनेशन सेंटर, राष्ट्रीय सेवा योजना आणि राष्ट्रीय छात्र सेना यांच्या विद्यमाने व्यसनमुक्तीबाबत विशेष व्याख्यानाचे आयोजन करण्यात आले. लेफ्टलंट प्रसाद बाठे (एन.सी.सी. अधिकारी) यांनी मनोगत व्यक्त केले.
पाहुण्यांचा परिचय प्रा. गणेश भागरे यांनी करून दिला. प्रमुख वक्ते आणि मार्गदर्शक मनोदय व्यसनमुक्ती संस्थेचे कार्यकारी संचालक डॉ. विष्णु श्रीमंगले होते. त्यांनी व्यसनाचे मानसिक, शारीरिक आणि सामाजिक परिणाम यावर प्रकाश टाकला. त्यांनी व्यसनाच्या आहारी जाण्याची मानसिक प्रक्रिया, त्यातून बाहेर पडण्यासाठी आवश्यक उपाय आणि तरुणांनी व्यसनमुक्त जीवनशैली स्वीकारण्याची गरज अधोरेखित केली.
प्राचार्य प्रा.डॉ.पांडुरंग भोसले यांनी अध्यक्षीय मनोगतात विद्यार्थ्यांशी संवाद साधत, महाविद्यालयामार्फत विद्यार्थ्यांच्या सर्वांगीण विकासासाठी असे कार्यक्रम सातत्याने राबवले जातील, असे सांगितले. कार्यक्रम अधिकारी डॉ. प्रवीण बोरसे यांनी आभार मानले. सूत्रसंचालन प्रा. अनुप्रिया प्रभू यांनी केले.