‘पीएमआरडीए’ भूखंडांचा ऑनलाइन लिलाव करणार

पिंपरी, ता. २२ : पुणे महानगर प्रदेश विकास प्राधिकरण (पीएमआरडीए) ३५ भूखंडाचा ऑनलाइन लिलाव करणार आहे. ८० वर्षांच्या भाडेपट्टा तत्त्वावर भूखंडांचे वाटप करण्यात येईल.
हवेली, खेड, मावळ व मुळशी या तालुक्यांतील विविध गावांतील ३२ सुविधा भूखंड, दोन आरक्षित शैक्षणिक भूखंड आणि एक सार्वजनिक सुविधा (ग्रंथालय-संगीत विद्यालय) भूखंडाचा ऑनलाइन लिलाव होईल.
नोंदणी व निविदा दस्तऐवज ११ ऑगस्ट रोजी सायंकाळी पाच वाजेपर्यंत https://eauction.gov.in या संकेतस्थळावरून डाऊनलोड करण्याची सुविधा आहे. तांत्रिकदृष्ट्या पात्र बोलीदारांची घोषणा २१ ऑगस्‍ट रोजी होईल. २२ ऑगस्ट सकाळी ११ वाजता संकेतस्थळावर लिलाव प्रक्रिया सुरु होईल. या या प्रक्रियेसंबंधी सूचना, सविस्तर अटी व शर्तींचे माहितीपुस्तक https://eauction.gov.in व www.pmrda.gov.in या संकेतस्थळावर पाहता येईल. यासाठी विहित पात्रता असलेल्या इच्छुक व्यक्ती किंवा संस्थांनी अर्ज करावेत, असे आवाहन ‘पीएमआरडीए’ आयुक्त डॉ. योगेश म्हसे यांनी केले.
-----