रस्‍टन कॉलनीतील वृक्षतोडीची पाहणी

पिंपरी, ता. २३ : चिंचवड येथील रस्टन कॉलनी परिसरात जुन्या झाडांच्या फांद्याची छाटणी करण्यात आली. गुरुवारी (ता.१७) दुपारच्या सुमारास विनापरवानगी झाडांच्या फांद्या तोडण्यात आल्‍या होत्‍या. महापालिकेच्‍या उद्यान विभागाकडून संबंधित स्‍थळाची पाहणी करण्यात आली.
संबंधित रस्टन कॉलनी परिसरात जाऊन चौकशी केली असता, झाडे तोडण्यास कोणतीही परवानगी घेतलेली नसल्याचे उघड झाले आहे. उद्यान विभागाने या प्रकाराची गंभीर दखल घेतली आहे. झाडांची छाटणी सकाळी लवकर करण्यात आली, ज्यामुळे बहुतांश नागरिकांना याची माहिती ही नव्हती. छाटणीमुळे काही झाडांचे स्वरूप पूर्णपणे बदलले असून, काही ठिकाणी झाडांच्या मोठ्या फांद्याही हटविण्यात आल्या आहेत. त्यामुळे पर्यावरणप्रेमींनी तीव्र संताप व्यक्त होत आहे.