हिंजवडीत अखेर ‘पीएमआरडीए’ सक्रीय

पिंपरी, ता. २३ : हिंजवडी-माण परिसरातील वाहतूक कोंडी आणि अन्य गैरसोयींमुळे टीकेचे धनी झालेले
पुणे महानगर प्रदेश विकास प्राधिकरण (पीएमआरडीए) अखेर सक्रीय झाले आहे. प्रशासनाने गेल्या १५ दिवसांत संबंधित परिसरातील १६६ अतिक्रमणांवर कारवाई करण्यात आली आहे.

हिंजवडी-माण-मारुंजी परिसरांत अतिक्रमणे वाढल्यामुळे वाहतूक कोंडी होते. परिणामी, वाहनधारकांसह नागरिकांना त्रास सहन करावा लागत आहे. यासह काही ठिकाणी ओढे-नाल्यांचा नैसर्गिक प्रवाह रोखल्यामुळे संबंधितांवर कारवाई करण्यात येत आहे. या भागांतील अतिक्रमणविरोधी मोहिमेअंतर्गत लक्ष्मी चौक, विप्रो सर्कल, माण रोड आदी भागांत पीएमआरडीएने कारवाई मोहीम सुरू केली आहे. त्यामुळे या भागातील रहदारीला यामुळे दिलासा मिळला आहे. हिंजवडीसह परिसरातील वाहतूक कोंडी सोडवण्यासाठी अतिक्रमणावर कारवाई सुरू आहे. या भागांत सर्व्हे सुरू असून संबंधितांना नोटीस बजावण्यात आल्या आहेत.
पीएमआरडीएचे आयुक्त डॉ. योगेश म्हसे यांच्या मार्गदर्शनाखाली तहसीलदार आशा होळकर आदीसह कर्मचाऱ्यांनी ही कार्यवाही केली.

परिसर आणि हटविलेली अतिक्रमणे
विप्रो सर्कल - १४
लक्ष्मी चौक ते मेझा नाईन - ३८
माण रोड परिसर - ६६
लक्ष्मी चौक ते मारुंजी - ७३ (कार्यवाही सुरू)
माण गाव नाला - २८ (खोल्या काढल्या)
हिंजवडी परिसर - १९ होर्डिंग हटविले

नियोजित सर्व्हेची ठिकाणे
छत्रपती शिवाजी महाराज चौक ते स्मशानभूमी रस्ता, वाकड रस्ता, फेज-१ रस्ता, हिंजवडी, माण, मारूंजीसह इतर परिसर