सार्वजनिक ठिकाणी धूम्रपान करणाऱ्यांवर ४,६०० रुपयांचा दंड

सार्वजनिक ठिकाणी धूम्रपान करणाऱ्यांवर ४,६०० रुपयांचा दंड

पिंपरी, ता. २४ ः राष्ट्रीय तंबाखू नियंत्रण कार्यक्रम अंतर्गत सार्वजनिक ठिकाणी धूम्रपान करणाऱ्यांवर जिल्हा तंबाखू नियंत्रण अंमलबजावणी पथकाने नुकतीच कारवाई केली. जिल्हास्तरीय अंमलबजावणी पथक, पोलिस प्रशासन, जिल्हा रुग्णालय तंबाखू नियंत्रण कक्षातील डॉ. जयश्री सारस्वत, मराठवाडा ग्रामीण विकास संस्थेचे अनिल गुंजे, जनसेवा सामाजिक संस्थेचे चेतन मराठे, सागर पाटील आणि जयश्री डहाळे यांनी मोहीम राबवून बस स्थानकासह विविध ठिकाणांची पाहणी केली. यावेळी तंबाखू व तंबाखूजन्य पदार्थ नियंत्रण कायद्याचे उल्लंघन करणारे विक्रेते आणि सार्वजनिक ठिकाणी धूम्रपान करणाऱ्यांवर कारवाई करून चार हजार ६०० रुपयांचा दंड वसूल केला.