दुर्गा टेकडी येथे वृक्षारोपण उपक्रम उत्साहात

यिन लोगो वापरणे

पिंपरी, ता.२३ ः पिंपरी-चिंचवड एज्युकेशन ट्रस्टच्या एस. बी. पाटील महाविद्यालय आणि सकाळ यिन क्लब यांच्यातर्फे गुरुवारी (ता.२४) निगडीतील दुर्गा टेकडी परिसरात वृक्षारोपणाचा उपक्रम राबविला. जांभूळ, आंबा, चिंच, आवळा, पेरू, सीताफळ इत्यादी रोपांची लागवड करण्यात आली. विद्यार्थ्यांसह प्राध्यापक व कर्मचाऱ्यांनीही सहभाग नोंदवत पर्यावरण संवर्धनाचे भान जपले.
सावित्रीबाई फुले पुणे विद्यापीठ आणि डी.टी.ई. यांच्या मार्गदर्शक सूचनांनुसार उपक्रमात २६ प्रकारच्या फळझाडांची लागवड करण्यात आली. कार्यक्रमासाठी उद्यान निरीक्षक अशोक वायकर व त्यांच्या टीमने सहकार्य केले. प्राचार्य डॉ. स्मिता सूर्यवंशी आणि सहाय्यक प्राध्यापिका निकिता गायकवाड यांच्या मार्गदर्शनाखाली यिनच्या विद्यार्थ्यांनी संयोजन केले. ‘सकाळ यिन’ अधिकारी चेतन लिम्हण यांनी उपस्थित विद्यार्थ्यांना मार्गदर्शन केले. संस्थेचे अधिकारी लक्ष्मण तोरगळे, किसन काळे आणि केदार चासकर यांनी महत्त्वाची भूमिका बजावली. कार्यक्रमास ट्रस्टचे अध्यक्ष डी. पी. लांडगे, पद्मा भोसले, व्ही. एस. काळभोर, एस. डी. गराडे व डॉ. गिरीश देसाई यांनी शुभेच्छा दिल्या.