संवाद माझा

कचरा साचल्याने नागरिकांना त्रास
चापेकर चौकातील वाचनालयाच्या भिंतीलगत जलकुंभाशेजारी कचराकुंडी तयार झाली आहे. तेथे दुर्गंधी येत आहे. तेथून जाताना पादचाऱ्यांना त्रास होतो आहे. तसेच सार्वजनिक आरोग्याला धोका निर्माण झाला आहे. ही जागा तातडीने स्वच्छ करण्यात यावी.
- रमेश देव चिंचवड
PNE25V34319

पदपथाचे काम अर्धवट
ऋचा सोसायटी पुनावळे कॉर्नर येथील बीआरटी बस थांबा, विष्णुदेवनगर चिंचवड येथे पदपथाचे अर्धवट काम केलेले आहे. खूप मोठा खड्डा पडून त्यात पाणी साचून असते. दिवसा आणि रात्रीच्यावेळी अनेक वाहने जाताना अपघात होत असतात. त्यामुळे हे पथप सुरळीत करणे आवश्यक आहे.
- पूनम कदम, पुनावळे
PNE25V34317

नाल्याची सुरक्षा भिंत धोकादायक स्थितीत
चिंचवड येथील गावडेनगर लिंक रस्त्यावर १८ मीटर नदीच्या रस्त्याजवळ नाला प्लास्टिक आणि इतर कचऱ्याने भरला आहे. या नाल्याला कोणतीही संरक्षण भिंत नाही. शेजारच्या सोसायटीच्या भिंती नाल्यात कोसळण्याच्या स्थितीत आहेत. यामुळे रहिवाशांना जीवनासाठी धोका निर्माण होऊ शकतो. पण, त्याच्याजवळ दोन्ही बाजूंना सुरक्षा भिंत नाही. सुरक्षा भिंत तत्काळ आवश्यक आहे.
- बाबूलाल नामदेव गावडे, चिंचवड
PNE25V34320

डीपी बॉक्सला दरवाजे लावणे आवश्यक
चिंचवड रस्त्यावर महावितरणचा डीपी बॉक्सचे दार उघडे आहे. त्याचा दरवाजा गायब झाला आहे. त्यामुळे कोणाही व्यक्तीच्या जीवास धोका निर्माण होऊ शकतो. मोठा अपघात होण्याची शक्यता आहे. तरी वाकड भागातील महाराष्ट्र विद्युत वितरण कंपनी या कडे लक्ष देतील काय?
- महेंद्र मोटे, चिंचवड
: PNE25V34315