बातमी जोड

या वस्तूंवरही डोळा

चोरटे केवळ सोनसाखळ्यांवर डल्ला मारतात असे नाही. मोबाईल, पर्स या वस्तूंवरही चोरट्यांचा डोळा असतो. पादचाऱ्यांचे महागडे मोबाईल काही क्षणांत पळविले जातात. यामध्ये महिलांसह पुरुषांच्याही वस्तू चोरीला जाण्याचे प्रकार घडले आहेत. बसमध्ये बसताना, रस्त्यावर उभे राहून गप्पा मारताना अथवा पायी जाताना तसेच गर्दीच्या ठिकाणी अशा वस्तूंवर डल्ला मारल्याचे प्रकार समोर येत आहेत.
----------------

...म्हणून पोलिसांकडे जा

वस्तू चोरीला गेली, पण कमी किमतीची होती...पोलिसात कशाला तक्रार द्यायची, पोलिसात तक्रार देऊन ती मिळणार थोडीच आहे...कुठे पोलिस ठाण्यात हेलपाटे मारत बसायचे...अशी अनेकांची मानसिकता असते. मात्र त्यामुळे गुन्ह्यांची माहिती पोलिसांपर्यंत पोहचत नाही आणि आरोपी मोकाट राहतात. त्यामुळे चोरीचे प्रकार घडल्यानंतर तत्काळ पोलिसांशी संपर्क साधणे आवश्यक आहे. त्यातून गुन्ह्याचा उलगडा होण्यासह इतर अनेक गुन्ह्यांचा छडा लागण्यासही मदत होते.
----