पिंपरी, ता. ३१ ः महापालिकेच्या वतीने साहित्यरत्न लोकशाहीर अण्णाभाऊ साठे जयंतीनिमित्त विचार प्रबोधन पर्वाचे आयोजन आले आहे. निगडी येथील साहित्यरत्न लोकशाहीर अण्णाभाऊ साठे स्मारक परिसरात होणाऱ्या या प्रबोधन पर्वाचे उद्‍घाटन सकाळी महापालिका आयुक्त शेखर सिंह यांच्या हस्ते होणार आहे. या पाच दिवसीय विचार प्रबोधन पर्वामध्ये साहित्यरत्न अण्णा भाऊ साठे यांचे जीवनावर आधारित शाहिरी, व्याख्यान, गझल, लोकगीते, कविसंमेलन, भक्तिगीते, एकपात्री प्रयोग, लोककला महाराष्ट्राची असे विविध कार्यक्रम होणार आहेत.
शुक्रवारी (ता. १ ) स्वर चंदन गीत गायनाचा कार्यक्रम, शाहिरी जलसा, ‘स्वरांश’ सांस्कृतिक गीतांचा कार्यक्रम, ‘हसा व निरोगी रहा’ व्याख्यान, बॅन्ड स्पर्धा, ‘डक्कलवारांचे बसव पुराण’ हा प्राचीन संस्कृतीचा वेध घेणारा दुर्मिळ कार्यक्रम, ‘मेरा भारत महान’ देशभक्तिपर गीतांचा कार्यक्रम होणार आहे.
शनिवारी (ता.२) प्रबोधनपर गीतांचा कार्यक्रम, गीते अण्णा भाऊंची, गजलांद्वारे अण्णा भाऊंना वंदन, व्याख्यान ः ‘लहूजी वस्ताद साळवे – एक थोर क्रांतिगुरू, साहित्यसम्राटास गीतातून अभिवादन, लोकगीतांचा प्रबोधनात्मक कार्यक्रम, परिसंवाद-संयुक्त महाराष्ट्राच्या चळवळीत अण्णाभाऊ साठे यांचे योगदान, साहित्यरत्न अण्णा भाऊ साठे -एक थोर साहित्यिक ः नितीन बानगुडे पाटील यांचे व्याख्यान, अण्णांची विचारधारा गीते, लोकगीतांचा कार्यक्रम ः ही दौलत अण्णांची आदी कार्यक्रम होतील.
रविवारी (ता. ३) ‘होय मी सावित्री फुले बोलतेय’- एकपात्री प्रयोग, खेळ पैठणीचा कार्यक्रम, लोकशाहीर अण्णा भाऊ साठे यांच्या जीवनावर आधारित प्रबोधनपर गीते, परिसंवाद - अनुसूचित जातीतील अ ब क ड आरक्षण उपवर्गीकरणाची दिरंगाई?, भव्य दिंडी महोत्सव, लोकगीतांचा कार्यक्रम, ‘मराठी साज हा कलेचा बाज’ मराठी गीतांचा कार्यक्रम होणार आहे.
सोमवारी (ता.४) ः ‘स्वर्ण लहरी’-ऑर्केस्ट्राचा कार्यक्रम, क्रांतिकारी गीते अण्णा भाऊंची, ओल्ड इज गोल्ड ऑक्रेस्टा, १८७१ चा गुन्हेगारी जमातीचा कायदा आणि त्यांचे झालेले मातंग समाजावरील परिणाम, ‘लोकगीतांचा भव्य कार्यक्रम’, संतवाणी अण्णांची, ‘लोककला महाराष्ट्राची’ आदी कार्यक्रम होईल.
मंगळवारी (ता. ५) प्रबोधनपर गीते, वंदन साहित्यांच्या शिल्पकारांना सुपरस्टार, लोक गीतांचा कार्यक्रम, परिसंवाद-मातंग समाजाच्या विकासाची उद्दिष्टे, अण्णांची गौरव गाथा, गौरवशाली अण्णांची गाथा आदी कार्यक्रम होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.