गणेशाच्या मूर्तींवर रंगकामाची लगबग

सोमाटणे, ता. ३ : गहुंजेच्या मूर्तीकारांनी मातीशी असलेले नाते अजूनही जपले आहे. गणेशोत्सव जवळ आल्याने गणरायाच्या मूर्तींवर रंगांचा अखेरचा हात फिरविण्यासाठी त्यांची लगबग सुरू आहे. दरम्यान, काही ठिकाणी मूर्ती रंगवण्यासाठी काही ठिकाणी शालेय विद्यार्थ्यांची मदत घेण्यात येत आहे.

काळाच्या ओघात तरुण पिढीने शहरी भागात नोकरी-व्यवसायाचा मार्ग स्वीकारला. त्यामुळे गावोगाववी मातीकामाची कलाकुसर दुर्मीळ झाली आहे. सध्या पवनमावळ पूर्व भागातील गहुंजे येथील काही कलावंतांनी गणेशमूर्ती तयार करण्याच्या पूर्वपार चालत आलेल्या व्यवसायाला आधुनिकतेची जोड देत हा व्यवसाय जपला आहे.
याबाबत मूर्तीकार हनुमंत कुंभार म्हणाले, ‘‘मातीपासून वस्तू, मूर्ती तयार करण्याच्या
व्यवसायाला आधुनिकतेची जोड दिल्यास हा व्यवसाय चांगला नफा मिळवून देणारा आहे.
आम्ही हा व्यवसाय जपला आहे. गणेशमूर्ती तयार करण्याचे आमचे काम पूर्ण झाले आहे. आता गणेशोत्सव तीन आठवड्यांवर आल्याने सध्या रंगकाम वेगाने सुरू आहे. येत्या आठवड्यात रंगकाम पूर्ण होऊन मूर्तींची विक्री सुरू होईल.’’

PNE25V36904