पुनावळेत कायमच खड्ड्यांचे ग्रहण

पिंपरी, ता. ४ ः पुनावळेतील अंतर्गत रस्त्यांना लागलेले खड्ड्यांचे ग्रहण कधी सुटणार ? असा प्रश्‍न गेली अनेक वर्षे येथील नागरिक विचारत आहेत. काही ठिकाणी खराब तर काही ठिकाणी रस्तेच नसल्याने पावसाळ्यात होणारा चिखल व पडणारे खड्डे यामुळे नागरिकांना घराबाहेर पडणेही कठीण झाले आहे.
गेल्याच आठवड्यात पुनावळेतील काटे वस्ती भागात रस्त्यावरील चिखलात वाहन घसरल्याने ट्रेलरखाली येऊन एका तरुणीचा मृत्यू झाला होता. त्यानंतर याच भागात अनेक चिखलामुळे गाडी घसरून अनेक अपघात झाले असल्याचे येथील नागरिकांनी सांगितले.

- पुनावळेतील डीपी रस्त्यांचे काम धिम्या गतीने
- इतर अंतर्गत रस्त्यांवरही खड्डे
- सेवा रस्त्यांची दुरवस्था
- जड वाहनांच्या वाहतुकीमुळे अपघाताचा धोका
- गेल्या आठवड्यातील अपघातात तरुणीचा मृत्यू
- दिवसा अवजड वाहनांवर बंदी घालण्याची नागरिकांची मागणी