वाहतूक पोलिसांच्या नियमांना ट्रॅव्हल्स असोसिएशनचा विरोध

सकाळ वृत्तसेवा
पिंपरी, ता. ४ : शहरातील खासगी (ट्रॅव्हल्स) बसचे मार्ग, तसेच त्यांच्या पिकअप-ड्रॉपचे स्थळ स्थानिक पोलिस प्रशासन बदलत आहेत. यामुळे खासगी बसमालक, चालक आणि प्रवाशांना त्रास सहन करावा लागत आहे, असा आरोप पिंपरी-चिंचवड ट्रॅव्हल्स असोसिएशनने केला आहे.
वाहतूक पोलिसांकडून केले जात असलेल्या बदलांना विरोध करण्यासाठी पिंपरी-चिंचवड ट्रॅव्हल्स असोसिएशनतर्फे सोमवारपासून (ता.७) चिंचवड येथील वाहतूक पोलीस आयुक्त कार्यालयाशेजारी धरणे आंदोलन करण्यात येणार आहे, अशी माहिती असोसिएशनचे संघटनेची सचिव बाळा दानवले यांनी दिली. वाहतूक पोलिसांकडून वारंवार पिकअप पॉइंट बदलले जात आहेत. त्याचा ग्राहकांनाही त्रास भोगावा लागत आहे. देण्यात आलेले पिकअप पॉइंट हे बाह्य भागांत आहेत. त्या भागात बस आणि रिक्षा जात नाहीत. त्यामुळे प्रवाशांची गैरसोय होते असे दानवले म्हणाले.