जलतरण तलावात बुडून चिंचवडमध्ये मुलाचा मृत्यू

पिंपरी, ता. १७ : जलतरण तलावात १७ वर्षीय मुलाचा बुडून मृत्यू झाला. ही घटना चिंचवडच्या केशवनगरमध्ये शुक्रवारी सकाळी साडेअकराच्या सुमारास घडली.
श्रवण समीर गायकवाड (रा. द्वारकासाई सोसायटी, रहाटणी) असे मृत्यू झालेल्या मुलाचे नाव आहे. तो
कै. वस्ताद बाळासाहेब गावडे जलतरण तलावात गेला होता. बराच वेळ तो पाण्याबाहेर न आल्याने मित्रांनी ही बाब जीवरक्षकांच्या निदर्शनास आणून दिली. त्यानंतर त्याला बाहेर काढून जवळच्या खासगी रुग्णालयात नेण्यात आले. मात्र, उपचारापूर्वीच श्रवणचा मृत्यू झाल्याचे डॉक्टरांनी सांगितले. या प्रकरणी चिंचवड पोलिसांनी आकस्मित मृत्यूची नोंद केली आहे.