टाटा मोटर्स ‘अ’, केएसबी क्रिकेटमध्ये विजयी

पिंपरी, ता. १९ ः औद्योगिक क्रीडा संघटनेच्या ६२ व्या औद्योगिक टी-ट्वेंटी क्रिकेट स्पर्धेत सोमवारी (ता.१९) टाटा मोटर्स ‘अ’ व जेसीबी संघांनी विजय मिळविले. टाटा मोटर्सच्या पंकज वाकचौरे याने धडाकेबाज ८९ धावा केल्या.
सकाळच्या सत्रात ॲम्युनिशन फॅक्टरीच्या क्रीडांगणावर टाटा मोटर्स ‘अ’ विरुद्ध केएसबी यांच्यात सामना झाला. त्यामध्ये टाटा मोटर्स ‘अ’ संघ १२७ धावांनी विजयी झाला. पंकज वाकचौरे सामनावीर ठरला. दुपारच्या सत्रात जेसीबी संघाने इमर्सन संघाला ३ विकेट राखून पराभूत केले. उमेश विनोदे सामन्याचा मानकरी ठरला.
संक्षिप्त धावफलक
टाटा मोटर्स ‘अ’ ः २० षटकांत ७ बाद २१४ - पंकज वाकचौरे ८९, अमोल कायगुडे २७ (शैलेश काकडे ३-१७) वि.वि. केएसबी ः १५.१ षटकांत सर्वबाद ८७ - हिमांशू लिमये ३९ (यशवंत कांबिरे ३-१०, कैलास डांगे २-१२).
इमर्सन ः १७.३ षटकांत ९ बाद ८५ - महेश वर्दे २०, दीपक कढणे २० (राहुल गायकवाड २-९, उमेश विनोदे ४-८, विनोद भोई २-११) पराभूत वि. जेसीबी ः १२.४ षटकांत ७ बाद ८६ - गणेश धामणकर १७, जयेश वारोकर २० (नीलेश कांबळे ३-१७).