पायाभूत सुविधांसाठी १९५ कोटींचा निधी

पिंपरी, ता. २१ : ‘पुणे ग्रँड टूर-२०२६’ साठी पुणे महानगर प्रदेश विकास प्राधिकरणाने (पीएमआरडीए) आंतरराष्ट्रीय दर्जाच्या पायाभूत सुविधा उभारणीसाठी १९४ कोटी ८८ लाखांचा निधी उपलब्ध करून दिला.
सायकलिंग फेडरेशन ऑफ इंडियाच्या मानकांनुसार ‘पीएमआरडीए’ हद्दीत मुळशी-मावळ, भोर, वेल्हे, पुरंदर, हवेली तसेच पुरंदर-बारामती तालुक्यांतील १६८ किलोमीटर रस्त्याचे काम दर्जेदार करण्यात आले आहे. यामध्ये रस्ते व पूल दुरुस्ती, मजबुतीकरण, रंगरंगोटी, दिशादर्शक व माहिती फलक, रस्ते स्वच्छता तसेच सुरक्षिततेशी संबंधित पूरक कामांचा समावेश आहे. या सर्व विकासकामांना मुख्यमंत्री व ‘पीएमआरडीए’चे अध्यक्ष देवेंद्र फडणवीस यांनी प्रशासकीय मान्यता दिली होती. सार्वजनिक बांधकाम विभागामार्फत एकूण १७ महत्त्वाची कामे पूर्ण करण्यात आली आहेत.
या स्पर्धेत जगभरातील ऑलिम्पिक स्तरावरील खेळाडू सहभागी झाले आहेत. त्यामुळे पुणे व महाराष्ट्रासह भारताचे क्रीडा, पर्यटन आणि सांस्कृतिक सामर्थ्य जागतिक पातळीवर अधिक ठळकपणे अधोरेखित झाले आहे, असे प्रशासनाने सांगितले.