दुचाकीच्या धडकेत पिता पुत्र जखमी

पिंपरी, ता. २३ : मागून अज्ञात दुचाकीने जोरात धडक दिल्याने दुचाकीवरील पिता-पुत्र जखमी केले. ताथवडे ते भूमकर चौका दरम्यानच्या रस्त्यावर हा अपघात झाला. या प्रकरणी पुष्पेंद्र सुवेकुमार बिश्वकर्मा (रा. अग्रवाल हाईट्स, ताथवडे, मूळ रा. मध्य प्रदेश) यांनी वाकड पोलिस ठाण्यात फिर्याद दिली. त्यानुसार पोलिसांनी अज्ञात दुचाकीचालकावर गुन्हा दाखल केला. फिर्यादी व त्यांचे वडील मंगळवारी (ता. १३) सकाळी दुचाकीवरून कामावर जात होते. त्यांचे वडील दुचाकी चालवत होते. मागून दुचाकीने दुचाकीला धडक दिल्याने दोघेही खाली पडले. त्यांच्या डोके आणि पाठीला गंभीर दुखापत झाली. अपघातानंतर आरोपी पसार झाला. या प्रकरणी गुरुवारी रात्री उशिरा गुन्हा दाखल करण्यात आला.
--------------