स्काय i - महाराष्ट्र सरकारमध्ये करार

पुणे, ता. २४ ः स्काय i आणि महाराष्ट्र सरकार यांच्यात सामंजस्य करार झाला आहे. स्वित्झर्लंडमधील दावोस येथील वर्ल्ड इकॉनॉमिक फोरममध्ये या करारावर स्वाक्षऱ्या करण्यात आल्या. यामुळे बायोपॉलीमर नवोपक्रम आणि पेटंटला चालना मिळण्याची अपेक्षा आहे. याशिवाय स्काय i चे महाराष्ट्राच्या दीर्घकालीन विभागीय विकासाच्यादृष्टिने रिअल इस्टेटमधील योगदान आणखी भक्कम होणार आहे.
सकाळ माध्यम समुहाने स्वित्झर्लंडमधील झुरीक येथे आयोजित केलेल्या ग्लोबल इम्पॅक्ट फोरमच्या वतीने या करारास मूर्त स्वरूप देण्यात आले.

दृष्टिक्षेपात
- सहभागी संस्था ः स्काय i - महाराष्ट्र सरकार
- स्वरूप ः पुण्यातील केंद्रात नवोपक्रम, संशोधन आणि विकासावर ५० दशलक्ष युरोच्या घरात गुंतवणूक
- कालावधी ः ५ वर्षे
- उद्दिष्टे ः शाश्वत बायोपॉलीमर, बौद्धिक संपदा बळकटी आणि प्रगत उत्पादनाला पाठिंब्यासाठी संशोधन-विकासाला गती देणे
- नवोपक्रमाचे टप्पे ः पाच वर्षांत दहापेक्षा जास्त नवी पेटंट, ४० पेक्षा जास्त पेटंटची यापूर्वीच निर्मिती, पुण्यात संशोधन-विकास आणि नवोपक्रम समर्पित केंद्र
- फलनिष्पत्ती ः जागतिक दर्जाच्या उत्पादनाचा नवोपक्रम, कौशल्य विकास आणि नवोपक्रमावर आधारित प्रगती
---
स्काय i ची महाराष्ट्रातील रिअल इस्टेटमधील गुंतवणूक
- पनवेल, नवी मुंबई आंतरराष्ट्रीय विमानतळाजवळ आणि पुण्यात तीन एकात्मिक वसाहती
- आगामी काळात दहा हजारांपेक्षा जास्त घरे
- अंदाजे दहा दशलक्ष चौरस फूट विकासाची क्षमता
- दहा हजारांपेक्षा जास्त रोजगार निर्मिती
---
विभागीय विकास

ठिकाण ः भूभाग ः विकासाला वाव
मुंबई ३ ः १०० एकर ः आदरातिथ्य, शिक्षण, क्रीडा सुविधा आणि गृहबांधणी असलेली एकात्मिक वसाहत
भूगाव ः १०० एकर ः आदरातिथ्य, शिक्षण, क्रीडा सुविधा आणि गृहबांधणी असलेली एकात्मिक वसाहत
भुकूम ः १०० एकर ः व्हिला निर्मिती
---

आम्ही महाराष्ट्रात गुंतवणूक सुरू ठेवली आहे. राज्याच्या आर्थिक आणि पर्यावरणीय प्राधान्यकमाला पूरक असलेले शाश्वत उत्पादन आणि नगर विकासासाठी आम्ही दीर्घकालीन क्षमता निर्मिती करीत आहोत. त्यास या करारामुळे आणखी चालना मिळेल.
- अभिजित जगताप, संचालक, स्काय i
-----