सोमाटणे, ता. २५ : पुणे ग्रँड टूर सायकल स्पर्धेमुळे स्पर्धा मार्गावरील मुख्य रस्ते चकाचक झाले; मात्र त्यांना जोडणारे अंतर्गत व जोडरस्ते मात्र खड्डेमय राहिले आहेत. त्यामुळे डागडुजी करून रस्त्यांवरील खड्डे बुजवावेत, अशी मागणी ग्रामस्थांकडून होत आहे.
मावळवासीयांचे लक्ष वेधून घेणाऱ्या पुणे ग्रँड टूर सायकल स्पर्धा नुकत्याच संपन्न झाल्या. या स्पर्धेसाठी प्रशासनासोबत ग्रामस्थांनीही खांद्याला खांदा लावून सहकार्य केले. शेतीसह दैनंदिन कामांना थोडा विराम देत ग्रामस्थांनी गावांतर्गत मैदाने, अंतर्गत रस्ते तसेच स्पर्धा मार्गावरील रस्त्यांची स्वच्छता व गाव सुशोभीकरण मोहीम राबवली. मात्र आता स्पर्धा झाल्यानंतर रस्त्यांच्या दुरवस्थेकडे प्रशासनाने लक्ष द्यावे, अशी अपेक्षा ग्रामस्थांनी व्यक्त केली आहे.
स्पर्धा मार्गावरील मुख्य रस्त्यांना जोडणारे चांदखेड फाटा ते पाचाणे फाटा, चांदखेड गाव ते पाचाणे फाटा, आढले खुर्द फाटा ते आढले बुद्रुक फाटा तसेच कुसगाव ते पाचाणे हे रस्ते यावर्षीच्या पावसामुळे मोठ्या प्रमाणावर खराब झाले आहेत. खडी व डांबर उखडल्याने रस्त्यांवर मोठमोठे खड्डे पडले असून, त्यातून वाहन चालवताना वाहनचालकांना मोठी कसरत करावी लागत आहे. या रस्त्यांची दुरवस्था लक्षात घेता सार्वजनिक बांधकाम विभागाने तातडीने खड्डे बुजवून नागरिकांची गैरसोय दूर करावी, अशी मागणी बाळासाहेब केदारी, बाळासाहेब गायकवाड, युवराज केदारी आदींसह ग्रामस्थांनी केली आहे.
PNE26V89515
---
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.