पिंपरी, ता. २५ : पिंपरी चिंचवड महापालिका हद्दीतील रावेत परिसरात मुख्य अशुद्ध पाण्याच्या वाहिनीला गळती आढळून आली. त्यावर पाणीपुरवठा विभागाने तातडीने दुरुस्तीचे काम हाती घेतले आहे. रविवारी (ता. २५) रात्री उशिरापर्यंत हे काम सुरू होते. त्यामुळे शहराच्या पूर्वेकडील भागात सोमवारी (ता. २६) होणारा पाणीपुरवठा विस्कळित होणार असल्याचा इशारा महापालिकेने दिला आहे.
शहराच्या पूर्वेकडील भागाला पाणीपुरवठा करण्यासाठी अशुद्ध पाण्याची टप्पा-१ ही जलवाहिनीला शनिवारी (ता. २४) मध्यरात्री दोनवेळा वीजपुरवठा खंडीत होऊन पुन्हा सुरू झाल्याने पाण्याचा दाब येऊन गळती सुरू झाली. रविवारी सकाळी निगडी येथील जलशुद्धीकरणात कमी दाबाने पाणी आल्यानंतर तपाणीअंती गळती आढळून आली. त्यानंतर रविवारी दिवसभर दुरुस्तीचे काम सुरू होते.
या गळतीमुळे पिंपरी चिंचवड शहरातील अनेक भागांमध्ये रविवारी सायंकाळचा पाणीपुरवठा खंडित झाला. दुरुस्तीनंतरही पाण्याचा दाब सुरळीत होण्यासाठी वेळ लागणार असल्याने सोमवारी (ता. २६) शहराच्या पूर्वेकडील भागांत कमी दाबाने पाणीपुरवठा होऊ शकतो. त्यामुळे नागरिकांनी पाण्याचा जपून वापरावे, असे आवाहन पाणीपुरवठा सह शहर अभियंता अजय सूर्यवंशी यांनी केले आहे.
या भागांतील पाणीपुरवठा होणार विस्कळित
निगडी, यमुनानगर, तळवडे, रुपीनगर, चिखली, संभाजीनगर, शाहूनगर, जाधववाडी, मोशी, डुडूळगाव, चऱ्होली, नेहरुनगर, भोसरी, दिघी तसेच कासारवाडी या परिसरांत सोमवारी पाणीपुरवठा विस्कळित होण्याची शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.