मतदानानंतर पर्यटनाचा बेत; सोमाटणे येथे महामार्गावर कोंडी
सोमाटणे, ता. १५ ः सुट्टीमुळे पर्यटनस्थळांकडे जाणाऱ्या पर्यटकांच्या वाढत्या वाहनसंख्येमुळे पुणे-मुंबई महामार्गावर सोमाटणे फाटा परिसरात आज सकाळपासून मोठ्या प्रमाणात वाहतूक कोंडी झाली होती. मकरसंक्रांतीची सुट्टी आणि महानगरपालिका निवडणुकीमुळे काही कारखान्यांना सुट्टी असल्याने नोकरवर्ग व कामगारांनी सकाळी मतदानाचा हक्क बजावल्यानंतर एकदिवसीय पर्यटनाचा बेत आखून घराबाहेर पडले. परिणामी पुणे-मुंबई महामार्गावर दोन्ही बाजूंनी वाहनांची संख्या अचानक वाढली. परिणामी, सकाळी दहा वाजताच सोमाटणे फाटा येथे वाहतूक कोंडीला सुरुवात झाली. यामध्ये संत तुकाराम सहकारी साखर कारखान्याच्या ऊस वाहतूक करणाऱ्या ट्रॅक्टर व ट्रकचीही भर पडल्याने कोंडी अधिक तीव्र झाली. या वाहतूक कोंडीमुळे वेळेत इच्छितस्थळी पोहोचू पाहणाऱ्या अनेक प्रवाशांना मोठा त्रास सहन करावा लागला.
PNE26V85850
---
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.