औद्योगिक स्पर्धा महिनाअखेरीस सुरू

पिंपरी, ता. १८ ः औद्योगिक क्रीडा संघटनेच्या वतीने आयोजित २०२६-२७ या वर्षांतील विविध क्रीडा स्पर्धांचा चालू महिन्याच्या शेवटच्या आठवड्यात जलतरण स्पर्धेने प्रारंभ होणार आहे.
जलतरण स्पर्धा सँडविक एशियातर्फे आयोजित करण्यात येणार आहे. आकुर्डी येथील बजाज ऑटोमध्ये ६ सप्टेंबरला योग स्पर्धा होणार आहे. याखेरीज, सप्टेंबर महिन्यात वेटलिफ्टिंग, शरीरसौष्ठव, कॅरम, ऑक्टोबरमध्ये बुद्धिबळ, टेबल टेनिस डिसेंबरमध्ये फुटबॉल, सिंहगड चढणे, ॲथलेटिक्स तर जानेवारीत बॅडमिंटन, क्रिकेट स्पर्धा होणार आहेत. फेब्रुवारी महिन्यात शूटिंगबॉल, व्हॉलीबॉल पासिंग आणि मार्च महिन्यात कबड्डी स्पर्धा आयोजित करण्यात येणार आहेत. अधिक माहितीसाठी इच्छुक खेळाडूंनी संघटनेचे सचिव वसंत ठोंबरे, उपाध्यक्ष नरेंद्र कदम आणि स्पर्धा प्रमुख हरी देशपांडे यांच्याशी संपर्क साधावा असे आवाहन औद्योगिक क्रीडा संघटनेचे खजिनदार प्रदीप वाघ यांनी केले आहे.