एसटी सेवानिवृत्त संघटनेच्या अध्यक्षपदी श्रीराम गालेवाड

पिंपरी, ता. २२ ः राज्य मार्ग परिवहन सेवानिवृत्त संघटनेची पुणे विभागीय कार्यकारिणी नुकतीच जाहीर झाली. अध्यक्षपदी  श्रीराम गालेवाड व सचिवपदी रमेश शिंदे यांची नियुक्ती झाली. राज्य सरचिटणीस सदानंद विचारे यांनी नुतन कार्यकारिणीस शुभेच्छा दिल्या. नव्या कार्यकारिणीत हरिदास अडसूळ (कार्याध्यक्ष), महेश नागपुरे, संजय  वावळे (उपाध्यक्ष), बी. के. गायगवारे (सहसचिव), राणबा ढावरे (कोषाध्यक्ष), हमीदखान पठाण (संघटक सचिव), अरविंद ब्रम्हे (प्रसिद्धी प्रमुख) यांचा समावेश असेल.  तसेच आगार सचिव म्हणून किशोर कुचेकर (सासवड), पी. बी. सणस (भोर), राजेन्द्र सोनवणे (नारायणगाव), श्याम मोरजकर (दापोडी, भोसरी) यांची निवड झाली आहे. २०२६ ते २०२९ असा कार्यकारिणीचा कार्यकाळ असेल.
-----