जांभे येथे अफूची लागवड करणाऱ्याला अटक

पिंपरी, ता. २२ : शेतात अफूची लागवड करणाऱ्याला पिंपरी चिंचवड पोलिसांच्या गुंडा विरोधी पथकाने अटक केली. ही कारवाई मुळशी तालुक्यातील जांभे येथील रसिकवाडी येथे करण्यात आली.
संपत बाबुराव दर्शिले (रा. रसिकवाडी, जांभे) असे अटक केलेल्या आरोपीचे नाव आहे. आरोपीने त्याच्या मालकीच्या शेतात अफूच्या झाडांची लागवड केली. याबाबत माहिती मिळताच पोलिसांनी छापा टाकला. येथून पोलिसांनी २५ लाख १७ हजार ५०० रुपये बाजारभाव असलेली अफूची झाडे जप्त केली. हिंजवडी पोलिस अधिक तपास करीत आहेत.