सोमाटणे परिसरात पावसाच्या सरी

सोमाटणे ः रविवारी सायंकाळी पावसाच्या हलक्या सरी पडल्या. त्यामुळे आंबा, फुलशेतीचे नुकसान होण्याची भीती शेतकऱ्यांनी व्यक्त केली. गेल्या चार दिवसांपासून हवामानात बदल झाला आहे. थंडी कमी होऊन ढगाळ वातावरण निर्माण झाले आहे. यामुळे अनेक ठिकाणी पिकांवर रोगाची सुरवात झाली आहे. असे असतानाच सायंकाळी आकाशात वेगाने ढग जमा होऊन साडेसहा वाजण्याच्या सुमारास हलक्या सरी कोसळल्या. आजच्या पावसानंतरही मोहोर, फुलशेतीसह इतर पिकांचे नुकसान टळले, मात्र आणखी पाऊस पडल्यास फटका बसण्याची भीती शेतकऱ्यांना वाटत आहे.
----------------------------------------------------------------