महापालिकेतील सेवानिवृत्त अधिकारी, कर्मचाऱ्यांचा सन्मान

पिंपरी, ता. ३ ः नियत वयोमानानुसार आणि स्वेच्छानिवृत्ती घेतलेल्या महापालिकेतील २६ अधिकारी, कर्मचाऱ्यांचा उपमहापौर शर्मिला बाबर आणि विरोधी पक्षनेते भाऊसाहेब भोईर यांच्या हस्ते सत्कार करण्यात आला.
शहर अभियंता मकरंद निकम, साहाय्यक आरोग्य अधिकारी तानाजी दाते, कार्यालयीन अधीक्षक अनिता बाविस्कर, मनीष जगताप, लेखापाल तानाजी सावंत, उपशिक्षक बापूराव गिरमे, मुख्य लिपिक चांगदेव खुने, सिस्टर इन्चार्ज जयश्री दाभाडे, नर्स मिडवाईफ सुजाता धवन, प्लंबर दिलीप गायकवाड, वायरमन रमेश थोरात, वीजतंत्री ज्ञानेश्वर ताम्हाणे, मुकादम राजेश कोटरवार, शांताराम तळपे, शिपाई कैलास वाघेरे, जितेंद्र मोरे, रखवालदार दत्तात्रय घुले, मजूर बाळू काळभोर, बलभीम कांबळे, पोपट भांगरे, आया सुमन तांबे, सफाई कामगार नयना कामठे, अनिल टाक, सुनीता शिंदे, गणेश भंडारी, गटरकुली धोंडीबा गायकवाड यांचा समावेश आहे. उपआयुक्त संदीप खोत, सहशहर अभियंता सुनील भागवानी उपस्थित होते. मुख्य कामगार कल्याण अधिकारी प्रमोद जगताप यांनी प्रास्ताविक केले. जनता संपर्क अधिकारी प्रफुल्ल पुराणिक यांनी सूत्रसंचालन केले.
---